ནོ་པེ་ཨར་གསོ་རིག་བྱ་དགའ་ནོར་འཛོལ་གྱིས་མི་སྣ་འདས་པོ་ཞིག་ལ་གནང་བ་དང་ཐེབས་རྩ་ཚོགས་པས་དེར་སྟེར་རྒྱུར་ཁས་བླངས་པ། ཟླ་བཅུ་བའི་ཚེས་གསུམ་ཉིན་གྱི་དགོང་མོར། སུའེ་ཏེན་ཁ་ལོ་ལིན་གསོ་རིག་སློབ་གླིང་གི་ནོ་པེ་ཨར་བྱ་དགའི་དཔྱད་འདེམས་ཨུ་ཡོན་ལྷན་ཚོགས་ཀྱིས་ཉེ་ལམ་ཚེ་འདས་བྱུང་བའི་ཁ་ན་ཏའི་ཚན་རིག་པ་ལཱ་ཨར་ཧྥུའུ་སི་ཐན་མན་ལ་༢༠༡༡ལོའི་ནོ་པེ་ཨར་སྐྱེ་ལུགས་རིག་པའམ་གསོ་རིག་བྱ་དགའ་གནང་བ་ཕྱིར་མི་ལེན་པ་ཁྱབ་བསྒྲགས་བྱས། ནོ་པེ་ཨར་ཐེབས་རྩ་ཚོགས་པའི་སྒྲིག་སྲོལ་ལྟར་ན་འདས་ཟིན་པའི་མི་ལ་བྱ་དགའ་གནང་མི་ཆོག་པ་ཡིན། འདས་པོར་བྱ་དགའ་གནང་བའི་དོན་དག་འདི་ནི་ད་རེབ་ཐེངས་དང་པོ་ཡིན་ལ་ཐེངས་འདིའི་དཔྱད་འདེམས་ཨུ་ཡོན་ལྷན་ཚོགས་ཀྱི་གསལ་བཤད་བྱེད་རྒྱུར། བྱ་དགའ་ཟླ་བཅུ་བའི་ཚེ་གསུམ་ཉིན་གྱི་ཉིན་གུང་གི་ཆུ་ཚོད་༡༡་དང་སྐར་༣༠སྟེང་བསྒྲགས་པ་དང་ཕྱི་དྲོའི་ཆུ་ཚོད་༢དང་སྐར་༣༠སྟེང་སི་ཐན་མན་ཟླ་དགུ་བའི་ཚེས་སུམ་ཅུའི་ཉིན་མི་ཡུལ་དང་ཁ་གྱེས་པ་ད་བཟོད་ཤེས་པ་ཡིན་ཟེར། ཡིན་ནའང་ཐེངས་འདིར་དཔྱད་འདེམས་པས་གནས་སྐབས་ཀྱི་ཚོགས་ཆུང་བསྡུས་ཏེ་བྱ་དགའ་ཕྱིར་མི་ལེན་པར་ཐག་གཅོད་བྱས།
