སྤྱི་ལོ་2011ལོའི་ཟླ་5བའི་ཚེས་1ཉིན། སྐབས་བརྒྱད་པའི་མཚོ་སྔོན་འཇིགས་མེད་བོད་སྨན་དང་འཇིགས་མེད་བོད་སྨན་ཁང་གཉིས་ཀྱིས་མཉམ་དུ་བསྒྲུབ་པའི་༼སྨན་དཔྱད་ཟླ་བའི་རྒྱལ་བོ་ ༽ཡི་ཁྲིད་ལུང་གི་ཟབ་སྦྱོང་འཛིན་གྲྭ་ཟི་ལིང་ནས་བསྡུས།

ཚེས་1ནས་3གྱི་བར་དགེ་བའི་བཤེས་གཉེན་ཆེན་མོ་འཇམ་དབྱངས་དམ་ཆོས་ཚང་གདན་དྲངས་ཏེ་སྐབས་བརྒྱད་པའི་མཚོ་སྔོན་འཇིགས་མེད་བོད་སྨན་དང་འཇིགས་མེད་བོད་སྨན་ཁང་གཉིས་ཀྱིས་མཉམ་དུ་བསྒྲུབ་པའི་༼སྨན་དཔྱད་ཟླ་བའི་རྒྱལ་བོ་ ༽ཡི་ཁྲིད་ལུང་གི་ཟབ་སྦྱོང་འཛིན་གྲྭ་གཟབ་རྒྱས་ངང་ཟི་ལིང་དུ་བསྡུས། དགེ་བའི་བཤེས་གཉེན་ཆེན་མོ་འཇམ་དབྱངས་དམ་ཆོས་ཚང་གིས་བོད་ཀྱི་གསོ་དཔྱད་ཀྱི་གཞུང་སྔ་གྲས་སྨན་དཔྱད་ཟླ་བའི་རྒྱལ་བོའི་ལུང་དང་བོད་ཀྱི་གསོ་བ་རིག་པའི་བྱུང་འཕེལ་ལོ་རྒྱུས་སྐོར་གྱི་མན་ངག་དྲོན་མོ་གནང་བ་རེད། ཐེངས་འདིའི་ཟབ་སྦྱོང་དུ་ཞུགས་མཁན་བོད་ཆོལ་ཁ་གསུམ་གྱི་གསོ་རིག་རྗེས་འཛིན་རྣམས་གང་མང་འདུས་ཤིང་ཀུན་གྱིས་དགའ་བསུ་ཆེན་པོ་ཐོབ། དེར་བསྟུན་འདི་ལྟ་བུའི་བྱ་འགུལ་མང་པོ་སྤེལ་ཏེ་བོད་ཀྱི་གསོ་བ་རིག་པའི་བསྟན་པ་རབ་ཏུ་འབར་བར་གྱུར་ཅིག 

མཚོ་སྔོན་སློབ་ཆེན་བོད་ལུགས་གསོ་རིག་སློབ་གླིང་གི་དགེ་རྒན་བཀྲ་ཤིས་དོན་གྲུབ་ནས་རྒྱུ་ཆ་མཁོ་འདོན་བྱས།